Jer silkinisi kezindegi qaýipsizdik sharalary

Árbir jer silkinisine mán bermegen jón. Ústirttiń álsiz terbelisteri (5 ballǵa deıin) Qazaqstannyń ońtústik, ońtústik-shyǵys jáne basqa aýdandarynda jylyna birneshe ret bolyp, zaqym keltirmeıdi. Biraq, eger terbelis kúshi birden nemese birte-birte 5-6 ballǵa deıin jetetin jer silkinisi bastalsa, - bul qaýipti nyshan. Budan keıin oqıǵalardyń úshten birinde terbelister 7 jáne odan da joǵary ballǵa deıin jetip, kúshtirek bolady.

Jer silkinisi oıda joqta kelgenin eskersek, tótenshe jaǵdaı kezindegi óz áreketterin aldyn-ala josparlap qoıý óte mańyzdy. Belgili bir jaǵdaıda qandaı áreket jasaý kerek ekenin bilgende, óz ómirin saqtap qalý múmkin. Negizinde, ólim jáne jer silkinisi kezindegi alǵan jaraqattardyń sebebi jer asty dúmpýi emes. Ólimderdiń kóbi ǵımarattardyń qıraýy, synyqtar men pesh murjanyń jáne kóshedegi jaryqtandyrý baǵananyń synyqtary jáne t.b. sııaqty zattardyń qulaýy nátıjesinde paıda bolady.

JER SІLKІNІSІ KEZІNDE NE ІSTEÝ KEREK? ÚREILENBEŃІZ!
Eń mańyzdysy - sabyrly bolyp, úreısiz áreket etý. Biraq jyldam qozǵalýyńyz qajet. Retsiz is qımyl jasamaǵanyńyz jón, óıtkeni osydan úreı týyndaıdy. Balalar men egde adamdardyń qamyn oılańyz (olardyń keıbireýleri jyljýda qıynshylyqtarǵa tap bolýy múmkin).

TURǴYN JAIDA:

• gaz, sý, jáne jaryqty sóndirińiz;
• aldyn ala tańdalǵan orynda (irgeli ishki qabyrǵalardyń arasy, irgeli ishki qabyrǵalardyń buryshtary, kolonna janyndaǵy jáne karkas astyndaǵy oryndary) tyǵylyńyz;
• terezege jaqyndamańyz;
• esik jaqta úreıdi týǵyzbaı, lıftini paıdalanbańyz.

KÓShEDE:

• ǵımarattardan alysyraq ashyq jerge baryńyz, úzilgen symdardan abaı bolyńyz;
• ǵımarattarǵa kirmeńiz.

KÓLІKTE:

• múmkindiginshe tez arada ashyq jerde toqtańyz;
• dúmpýler aıaqtalǵansha kólikten shyqpaı, ornyńyzdan qozǵalmańyz;
• avtobýs júrgizýshisi esikti ashyp qoıýy tıis.

JER SІLKІNІSІNEN KEIІN:

• sabyrlylyqty saqtańyz, zardap shekkenderge kómektesińiz;
• radıoqabyldaǵyshty qosyńyz, jergilikti bıliktiń, azamattyq qorǵanys shtabynyń nusqaýlaryn qadaǵalańyz;
• asa qajettiliksiz telefondy ustamańyz;
• zaqymdalǵan ǵımarattarǵa asa qajettiliksiz kirmeńiz;
• jaraqattanbaý úshin myqty aıaq kıim kıińizder, qutqarýshy jáne basqa shuǵyl jumystarǵa qatysyńyzdar.

Jer silkinisi kezinde qaýip-qaterdi boldyrmaý úshin arnalǵan jalpy usynymdar:

• jıhazdyń aýyr zattary qulaıtyn jerde uıyqtaýǵa bolmaıdy. Salmaqty aýyr zattardy edenge nemese qabyrǵaǵa shegelep qoıý qajet.
• bıik sórelerge aýyr zattardy qoımańyz, óıtkeni olar qulap adamdardy jaraqattaýy múmkin.
• eger de jer silkinisi túnde bolsa, shamdy daıarlap qoıý kerek.
• tótenshe jaǵdaılar týyndaǵanda jetkilikti kólemde ishetin sýmen taǵam bolý kerek.

• Árbir adam ár túrli jaǵdaılarda áreket etý josparyn ózi jasaý kerek. Jer silkinisi kezinde ózi jáne otbasy músheleriniń áreket etý josparyn anyq bilý qajet. Jáne de jer silkinisi kezinde sabyrlylyqty saqtańyzdar, laıyqty is jasap, ÚREIGE JOL BERMEŃІZ!