Jer sheteldikterge satylmaıtyny týraly túbegeıli sheshim qabyldandy – Toqaev
«Komıssııa (Jer reformasy jónindegi komıssııa) jumysynyń árbir kezeńi jáne onda usynylǵan sharalar týraly halyqty únemi habardar etip otyrý kerek. Basty mindettiń biri - komıssııa jumysynyń jáne sheshim qabyldaýdyń erekshe ashyqtyǵyn kórsetý. Biz jerge qatysty qoǵam tarapynan kóterilgen barlyq máseleni durys jáne tıimdi sheshe alamyz dep senemin», - dedi Qazaqstan Prezıdenti.
Memleket basshysy bul sheshimder eń aldymen, el ekonomıkasyn damytýǵa jáne azamattardyń turmys sapasyn arttyrýǵa arnalatyndyǵyn basa aıtty.
«Eń bastysy, jer sheteldikterge satylmaıtyny týraly túbegeıli sheshim qabyldandy», - dedi Qasym-Jomart Toqaev.
Eske salaıyq, búgin QR Prezıdenti Ulttyq qoǵamdyq senim keńesiniń 5-otyrysynda sheteldikterge jáne sheteldik zańdy tulǵalarǵa aýyl sharýashylyǵy jerlerin satýǵa, jalǵa berýge zań júzinde birjola tyıym salýdy tapsyrdy. Bul sheteldikterdiń úlesi bar zańdy tulǵalarǵa da qatysty.
