Jer sharyndaǵy eń qart áıel qaıtys boldy
ASTANA. QazAqparat - Japonııada 118 jasqa qaraǵan shaǵynda Jer sharynyń eń qart áıeli Mısao Okava qaıtys boldy. Bul týraly onyń sońǵy birneshe jyl turǵan medıtsınadyq mekemeniń ókilderi habarlady.
Mısao Okava 1898 jyldyń 5 naýryzynda Osaka qalasyna jaqyn ornalasqan kentte, dástúrli japondyq kımono dúkeni ıesiniń otbasynda týyldy, dep habarlaıdy TASS. Ol dúnıege úsh bala ákelgen, sonyń ekeýi otbasylyq uzaq jasaý dástúrin jalǵastyryp otyr: olardyń jasy 90-nan asady. Qartaıǵan shaǵynda qulaǵy nashar estı bastaǵanymen, áıeldiń jalpy densaýlyǵy jaqsy boldy. Onyń aıtýynsha, uzaq jasaýynyń eń basty qupııalarynyń biri - jaqsy uıyqtaý. Sońǵy ýaqytta áıel kúnine 15 saǵattan uıyqtaǵan,
Mısao Okava eshqandaı arnaıy emdám ustanbaı, qalaǵan tamaqty jeı bergen. Onyń súıikti taǵamdarynyń biri - kespe men buqtyrylǵan sıyr eti.
Mısao Okava Jer sharynyń eń qart áıeli ataǵyn 2013 jyly 117 jasta bolǵan japondyq Dzıroemon Kımýra qaıtys bolǵan soń aldy. Okavanyń dárejesi Gınnestiń rekordtar kitabynda tirkelgen.
Qazirgi kezde Jer sharyndaǵy eń qart er adam - Japonııada turatyn Sakarı Momoı: 5 aqpanda ol 112 jasqa keldi.
