Jer sharyn júzip ótpek bolǵan brıtandyq saıahatshy ólim aýzynan qaldy
ASTANA. QazAqparat - Jer sharyn júzip ótpek bolǵan brıtandyq ıahtashy Endrıý Halkroýdy Chılı floty ajaldan aman alyp qaldy.
Bul týraly sheteldik BAQ habarlaıdy. Jýrnalısterdiń derekterine qaraǵanda, 8 naýryz kúni 54 jastaǵy Halkroý Pýnta-Arenastyń batysynda 440 shaqyrymda jerde júzip bara jatqan kezinde shtormǵa tap bolǵan kórinedi. ıAhtasynyń machtasy synyp, kómek suraǵan. Chılı bıligi saıahatshyǵa shuǵyl tikushaq jiberip, ony ajaldan aman alyp qaldy. Halkroý Chılı flotyna alǵysyn bildirdi, qazirgi ýaqytta kóńili ornyna túsken, ózin sergek sezinýde.
Aıta keter jaıt, bul onyń jer sharyn aralamaqqa talpynǵan ekinshi áreketi. Alǵashqysy 2006 jyly bolǵan edi. Saıahatshy Avstralııadan 550 shaqyrymdaı jerde júzip bara jatqan shaǵynda kenetten asqazany aýyryp, saparyn toqtatty. Onda da qutqarýshylar tikushaqpen der kezinde aýrýhanaǵa jetkizgen edi, dep habarlaıdy RBK.
