Jer sharyn ǵasyrlyq megaqurǵaqshylyq kútip tur
ASTANA. 1 tamyz. QazAqparat - Taıaý júz jyldyqta eń kúshti qurǵaqshylyq qarapaıym qubylysqa aınalýy múmkin. Oregon shtaty ýnıversıtetiniń amerıkandyq zertteýshileri osyndaı qorqynyshty boljam jasap otyr,
dep habarlaıdy LiveScience.com .
«2000-2004 jyldarda Soltústik Amerıkanyń batys bóliginde oryn alǵan qurǵaqshylyq saldarynan atmosferadaǵy kómirtektiń baılanysy eki esege qysqardy. Eger de jahandyq parnıkti gazdar shyǵaryndylary toqtatylmaıtyn bolsa, bolashaqta budan da jaman bolady», - dep málim etti Oregon ýnıversıtetiniń qyzmetkeri Beverlı Loý.
Onyń paıymynsha, eger aýa raıy jaǵdaıy nasharlaı beretin bolsa, onda HHІ ǵasyr tarıhqa «megaqurǵaqshylyq» dáýiri retinde enedi. Bul kezeń 80-95 jylǵa jalǵasyp, jaýyn-shashyn barynsha az túsetin bolady. Klımattyq soqqynyń joıqyn bolýy saldarynan Jer sharynyń kóptegen bóligi tirshilik etýge múlem jaramaı qalýy yqtımal.
