Jer sharyn aınalyp ushqan qyrǵyzstandyq qazir Afrıkaǵa kelip aıaldady
ASTANA. QazAqparat - Qyrǵyzstandyq Soıýzbek Sálıev jer sharyn aınalyp ushyp ótý úshin saıahatyn jalǵastyrýda. Qazirgi ýaqytta ol batys Afrıkada Atlant muhıtyn kesip ushyp ótý úshin jaıly aýa raıdy kútip otyr, dep habarlaıdy kabar.kg.
Eske sala ketsek, jerdi aınalyp ushý saıahatyn S.Salıev Mooney Ovation-2 bir motorly ushaǵymen jalǵastyrýda. Ol jer sharyn 50 kúnde aınalyp shyǵýdy josparlaýda. Onymen birge shtýrman retinde 72 jastaǵy lıtvalyq Ionas Jýknýs bar, ol 2012 jyly Jer sharyn aınalyp ushyp ótken. Eki saıahatshy Bishkekte 25 tamyzda ushyp shyqqan bolatyn.
S.Sálıev áleýmettik jelidegi paraqshasynda Sýdannyń Dongola qalasyndaǵy áýeaılaǵynan Nıgerııaǵa ushyp shyqqany týraly jazdy. Olar toǵyz saǵattan keıin Nıgerııanyń soltústigindegi Kano qalasyndaǵy áýejaıǵa kelip jetti.
«Budan soń biz Kot-d'Ivýardyń Abıdjan qalasyna jettik. Bul tórt aralda ornalasqan ásem qala. Qazir onda «qys». Jyldyń eń salqyn kezi. Dalada ylǵaldy, 30 gradýs shamasynda jyly. Aldymyzda eń qıyn baǵdar jatyr, ol Atlant muhıtyn kesip ushý. Ázirge muhıt ústindegi jazǵy aýa raıyn kútip jatyrmyz», - dep jazdy S.Sálıev.
