Jer serikteri álemde aýany lastaıtyn jańa 500 nysandy tapty
ASTANA. QazAqparat - Jer betiniń lastanýyna qatysty derekter tómendetilgen, dep málimdedi ǵalymdar. Zertteýshiler spýtnık monıtorıngi nátıjesinde buǵan deıin belgisiz bolyp kelgen 500 lastaý kózin anyqtaǵan soń osyndaı tujyrym jasady.
Washington Post gazetiniń jazýynsha, atmosferany lastaýshy negizgi zat - ol kúkirt dıoksıdi. Bul zat jahandyq jylynýdy jyldamdatyp, adamzat densaýlyǵyna qaýip tóndiredi.
Onyń basty kózderi retinde janartaý, munaı óndirý zaýyttary jáne t.b. kórsetilip keldi. Olardyń barlyǵy ulttyq komıssııalardyń esebinde tirkelgendikten jer betindegi aýanyń lastaný aýqymy birshama naqty anyqtalyp keldi.
Alaıda Kanadanyń Qorshaǵan orta jáne klımattyq ózgeris jónindegi basqarmanyń jerserikteri kómegimen júrgizilgen jańa aýa monıtorıngi lastanǵan bulttar baǵytyn kórsetip buǵan deıin belgisiz bolǵan kúkirt dıoksıdin taratatyn 500 nysannyń bar ekendigin anyqtady.
Ǵalymdardyń aıtýynsha, osy lastaý kózderiniń deni ázirge naqtylanbady, onyń 75-i janartaý, 39-y tehnogendik nysan.
Olardyń kóbi 12-si Taıaý Shyǵysta ornalasqan, shamasy munaı men gaz óńdeýge qatysty. Qalǵandary álemniń ár túkpirinde jatyr (Azııa, Afrıkv, Eýropa pen Amerıkada). Buǵan deıin tirkelmegen lastaý kólemi jylyna 7-den 14 mln tonnaǵa deıin jetedi.
