Jer serigin ushyrý Reseı úshin taǵy da sátsiz aıaqtaldy
ASTANA. 2 aqpan. QazAqparat - Plesetsk ǵarysh aılaǵynda áskerı jer serigi "Geo-IK-2″-ni ushyrý boıynsha oryn alǵan tótenshe jaǵdaıdy tergeý komıssııasy jumysyn bastady, dep habarlaıdy RBK ǵarysh salasynyń derekkózine silteme jasap.
Áskerı zertteýlerge arnalǵan ǵarysh apparaty bar "Rokot" zymyrantasyǵyshy 1 aqpan kúni Máskeý ýaqyty boıynsha 17.00 saǵatta Plesetsk ǵarysh alańynan ushyrylǵan bolatyn. Alaıda, ǵarysh apparaty RF aýmaǵyndaǵy radıo-baqylaý aımaǵyna belgilengen ýaqytta shyqqan joq.
Kóp keshikpeı jer serigin amerıkandyq baqylaý quraldary anyqtap, onyń tirkelgen parametrleri eseptegennen anaǵurlym ózgeshe ekendigin baıqaǵan. Reseı ǵarysh aılaǵynda ǵarysh apparatynyń orbıtadaǵy parametrlerin anyqtaý, sóıtip, onymen baılanys ornatý is sharalaryn qalpyna keltirýde ekendikterin málimdedi.
