Jer salyǵyn arttyrý máselesi qarastyrylyp jatyr
Bul týraly búgin Úkimette ótken selektorlyq keńeste Jer resýrstaryn basqarý agenttiginiń tóraǵasy Qadyrhan Otarov málim etti.
«Elbasynyń tapsyrmasyn oryndaý maqsatynda Aýyl sharýashylyǵy mınıstrliginiń qoldaýymyn qurylǵan, múddeli memlekettik organdardan turatyn jumys toby jer salyǵyn arttyrý joldaryn qarastyryp jatyr. Osyǵan qatysty sońǵy sheshim jaqyn aralyqta qabyldanyp qalýy múmkin. Atalǵan shara eń birinshi kezekte jerdi durys paıdalanbaý faktilerin joıady dep oılaımyz», - dedi Qadyrhan Otarbaev.
Agenttik tóraǵasynyń aıtýynsha, aýyl sharýashylyǵy maqsatynda jerlerdi tıimdi paıdalaný baǵytynda jańa normalar engizý de qarastyrylǵan. Onda jerdi paıdalanýshylar tarapynan tıisti talaptar oryndalmaǵan jaǵdaıda jergilikti atqarýshy organnyń olarmen arada jasalǵan jalǵa alýǵa qatysty kelisimsharttardy birjaqty buzý quqyǵy kózdeledi. «Bul jerdi tıimdi paıdalaný máselesinde basty tetikke aınalýy múmkin. Osy tetikti júzege asyrý úshin buǵan deıingi jalǵa alý týraly kelisimsharttardy qaıta jasaý qarastyrylady. Bul rette aýyl sharýashylyǵy maqsatyndaǵy jerlerdi tıimdi paıdalaný jónindegi normalar jańa jasalatyn kelisimsharttarǵa engiziledi», - deıdi Qadyrhan Otarbaev.
