«Jer Saǵatyn» ǵaryshkerler orbıtadan baqylaıdy

BAIQOŃYR. QazAqparat - Halyqaralyq ǵarysh stansasyndaǵy Reseı ǵaryshkeri Mıhaıl Tıýrın jer sharyndaǵylarǵa arnap jazylǵan vıdeoúndeý tastady. Onda ol dúnıejúzi halqyn Búkilálemdik tabıǵat qorynyń «Jer Saǵaty» aktsııasyna qatysýǵa shaqyrdy, dep habarlady «Novostı kosmonavtıkı» saıty.

Jer Saǵaty - adamzat tarıhyndaǵy eń úlken aktsııa. Onyń maqsaty - qoǵamnyń nazaryn tabıǵatty qorǵaý máselelerine aýdartý. Ótken jyly aktsııaǵa 150 elden 2 mıllıard adam qatysty. Aktsııaǵa qatysýshylar Ǵalamshardyń bolashaǵyna alańdaıtynyn bildirý úshin 29 naýryz kúni saǵat 20:30-da bir saǵatqa jaryqty sóndiredi. Sonymen birge, aty álemge áıgili ǵımarattar men eskertkishterdiń jaryqtary óshiriledi. «Jer Saǵatyndaǵy» jaryqtyń óshirilýin ǵaryshkerler HǴS-tan baqylaıdy. «Jyl saıyn búkil álemde «Jer Saǵaty» aktsııasy ótedi. Bul bizdiń planetamyzdyń jaǵdaıyna beı-jaı qaramaıtyndyǵymyzdyń belgisi», - dedi Tıýrın vıdeoúndeýde. Ol sonymen birge, árbir adamnyń WWF-tyń tabıǵatty qorǵaýǵa baǵyttalǵan jobalarynyń birin qoldaý múmkindigi bar ekenin eske saldy. Qazirdiń ózinde álemniń 95 eliniń 1000-nan asa qalasy bir saǵatqa elektr qýatyn óshirýge ýáde bergen, al olardyń sany kún sanap ósýde. Qazaqstan boıynsha Astana men Almaty qalalary resmı túrde bul sharaǵa qatysatyndyǵyn jarııalaǵan, endi basqa qalalar da olardyń qataryna qosylmaq.