Jer resýrstaryn basqarý agenttiginiń tóraǵasy men onyń orynbasaryna «memleket qarjysyn jymqyrdy» degen aıyp taǵylyp otyr - qarjy polıtsııasy
TANA. 14 qazan. QazAqparat /Aıdar Ospanalıev/ - Ekonomıkalyq qylmysqa jáne sybaılas jemqorlyqqar qarsy kúres agenttiginiń qyzmetkerleri Jer resýrstaryn basqarý agenttiginiń tóraǵasy Ómirzaq Ózbekov pen onyń orynbasary Baqytbek Naqypbekovke jáne agenttiktiń vedomstvalyq kásiporyndarynyń laýazymdy tulǵalaryna qatysty qylmystyq isti tergeýde. Bul týraly QazAqparat tilshisine qarjy polıtsııasynyń baspasóz qyzmetinen habarlady.
Baspasóz málimetterine qaraǵanda, atalmysh azamattarǵa bıýdjetten Kaspıı teńiziniń qazaqstandyq sektorynyń teńiz kartasyn jasaý úshin bólingen 1 mıllıard teńgeden astam qarjysyn talan-tarajǵa saldy degen kúdik keltirilip otyr. Atalǵan qarjy teńiz kartasyn jasaý boıynsha jumystardyń bóligin eki ret qarjylandyrý jolymen jáne «Qazgeodezııa» respýblıkalyq memlekettik qazynalyq kásiporny fılıaldarynyń, onymen baılanysty kásiporyndar men jalǵan fırmalardyń esep-shottaryna aýdarylyp, qolma-qol aqshaǵa aınaldyrý arqyly urlanǵan.
Ó.Ózbekov pen B.Naqypbekovke qyzmet babyn paıdalaný arqyly iri mólsherdegi bıýdjet qarajatyn talan-tarajǵa saldy degen aıyp taǵyldy. Jasy men qoǵamnan tolyq oqshaýlaý qajettiginiń joqtyǵyn eskerip, Jer resýrstaryn basqarý agenttiginiń tóraǵasy Ózbekovke qatysty «úıde qamap ustaý» túrindegi bultartpaý sharasyn tańdaý týraly qaýly shyǵaryldy. Al B.Naqypbekov sot sanktsııasymen qamaýǵa alyndy. Sonymen birge bıýdjet qarajatyn urlady degen aıyppen «Qazgeodezııa» Respýblıkalyq memlekettik qazynalyq kásipornynyń dırektory Qaıymbekov sot sanktsııasy negizinde qamaýǵa alyndy. Sondaı-aq onyń orynbasary Qylanova - úı qamaýynda jatyr. Buǵan qosa Respýblıkalyq memlekettik qazynalyq kásipornynyń «Jambylgeodezııa» fılıalynyń dırektory ıAkýbov jáne Respýblıkalyq kartografııalyq fabrıkasynyń dırektory Barvıtten eshqaıda ketpeý týraly qolhat alyndy. Tergeý barysynda agenttiktiń atalǵan jáne basqa da laýazymdy tulǵalarynyń zańsyz is-áreketteriniń ózge de faktileri boıynsha quqyqtyq baǵa beriledi.
