Jer resýrstaryn basqarý agenttigi men QazUAÝ arasynda yntymaqtastyq týraly memorandým jasaldy
ALMATY. 15 aqparat. QazAqparat - Jer qatynastary salasyn kadrmen qamtamasyz etý salasynda qordalanǵan másele kóp.
Bul týraly búgin Almatyda QR Jer resýrstaryn basqarý agenttiginiń tóraǵasy Qadyrhan Otarov pen QazUAÝ rektory Tilektes Esbolovtyń yntymaqtastyq týraly memorandýmǵa qol qoıý rásiminde aıtyldy.
«Qazirgi tańda jer qatynastary salasynda kadrlar tapshy. Oqý ornyn bitirgen soń mamandardyń kóbi ekonomıkanyń ózge sektorlaryna aýysyp ketedi. Sol sebepti mamandar tapshylyǵy joıylmaı otyr», - dedi Q. Otarov. Qadyrhan Mahmutulynyń aıtýynsha, birlesip jumys isteıtin ýaqyt keldi. Bul másele endi agenttiktiń basty nazarynda bolady. Jalpy búgingi tańda jer qatynastary salasyndaǵy mamandardyń 70 paıyzǵa jýyǵy Qazaqtyń ulttyq agrarlyq ýnıversıtetiniń túlekteri. Sol sebepti 3 jyldyq bul memorandým aıasynda kadr tapshlyǵyn joıý maqsatynda arnaıy baǵdarlamalar ázirlenbek.
