Jer resýrstaryn basqarý agenttigi men Almaty ákimdigi jer qatynastaryn retteýde sharalardy birlesip júrgizýge kelisti
ASTANA. 18 aqpan. QazAqparat - Almaty qalalyq ákimdigi men Qazaqstan Respýblıkasynyń Jer resýrstaryn basqarý agenttiginiń arasynda yntymaqtastyq týraly memorandým bekitildi.
Agenttiktiń málemetinshe, bul qujatta respýblıkanyń jer qoryn paıdalaný jáne qorǵaý, jerdi tıimdi paıdalaný, topyraqtyń qunarlylyǵyn saqtaý jáne kóterý jóninde biryńǵaı memlekettik saıasat júrgizýdiń memlekettik basymdylyqtarynyń biregeıligi atp ótildi.
Osy memorandýmǵa Agenttik tóraǵasy Q. Otarov pen Almaty qalasy ákiminiń birinshi orynbasary M. Muqashev qol qoıdy.
Taraptar Agenttiktiń aýmaqtyq jer ınspektsııalarynyń jáne Almaty qalasy ákimdiginiń jer qatynastary basqarmasynyń birinshi basshylarynyń kandıdatýralaryn taǵaıyndaýdy ózara kelisý, is-sharalardy ázirleý, jer resýrstaryn basqarýdyń qazirgi zamanaýı túrleri men ádisterin engizý boıynsha yqpal jasaý, paıdalanylmaıtyn jáne ıesiz qalǵan jerlerdi anyqtaý jáne olardy memleket menshigine qaıtarý, onyń ishinde memlekettik muqtajdyq úshin alyp qoıý jumystaryn uıymdastyrý, júrgizý, taǵy basqa da jer qatynastaryn retteý salasy boıynsha is - sharalardy birlesip júrgizýge kelisti.
