Jer reformasy jónindegi zań jobasy maýsymda Májilis qaraýyna engiziledi
«Ózderińiz biletindeı, aǵymdaǵy jylǵy 31 jeltoqsanda Jer kodeksiniń keıbir normalaryna engizilgen moratorııdiń merzimi aıaqtalady. Bul rette, moratorıı engizilgen normalardyń odan ári qoldanysyn aıqyndaý maqsatynda tıisti taldaý jumystary júrgizildi. Nátıjesi boıynsha osy máselelerdi retteýge baǵyttalǵan tıisti zań jobasyn josparly túrde ázirleý Qazaqstan Respýblıkasy Úkimetiniń zań jobalaý jumystarynyń 2021 jylǵa arnalǵan josparyna engizildi», - dedi Asqar Mamın.
Onyń atap ótýinshe, qazirgi ýaqytta atalǵan zań jobasyna engiziletin normalardy qalyptastyrý maqsatynda jáne Memleket basshysynyń tapsyrmasyna sáıkes jer reformasy jóninde komıssııany qurý, sondaı-aq, ázirlenetin zań jobasynyń normalaryn qoǵammen talqylaý sharalaryn josparlaý jumystary júrgizilip jatyr.
«Atalǵan zań jobasy aıasynda sizderdiń sheteldik kompanııalar men azamattaryna jerdi satýǵa, sondaı-aq, Qazaqstanmen shekaralas shet memleketter men olardyń azamattaryna jerdi jalǵa berýge tyıym salý týraly usynystaryńyz jan-jaqty qaralatyn bolady. Kórsetilgen jospar boıynsha zań jobasyn Parlament Májilisine engizý osy jylǵy maýsym aıynda josparlanǵanyn habarlaımyz»,- dedi Úkimet basshysy.
