Jer paıdalanýǵa arnalǵan kelisimsharttaǵy mindetti saraptama 60 paıyzǵa deıin qysqarmaq - zań jobasy
ASTANA. QazAqparat - Búgin QR Parlamenti Májilisiniń Ekologııa jáne tabıǵatty paıdalaný komıteti jumys tobynyń otyrysy ótti. Onda «Jer qoınaýyn paıdalaný máseleleri boıynsha Qazaqstan Respýbılkasynyń birqatar zańnamalyq aktisine ózgertýler men tolyqtyrýlar engizý týraly» QR zańynyń jobasy talqyǵa tústi.
Atalǵan zań jobasyn el Úkimeti aǵymdaǵy jyldyń qańtar aıynda daıyndap, Májilis qaraýyna engizgen bolatyn. Sol ýaqyttan beri zań jobasy keńinen talqylaný ústinde. Jumys tobynyń 24 otyrysy ótip, onda Májilis depýtattary, turaqty komıtetter jáne zańnama bólimi 600-den astam usynystar men eskertýler jasady. Jalpy, bul zań jobasy jer qoınaýyn paıdalanýshylar quqyǵyn berý protsedýrasyn jeńildetýge baǵyttalǵan.
Atap aıtqanda, zań jobasynda jer qoınaýyn paıdalanýǵa arnalǵan kelisimsharttyń mindetti saraptamasyn 60 paıyzǵa qysqartý, jer qoınaýyn paıdalanýshylar, aýktsıon negizinde jeńildetilgen protsedýramen quqyq berý, teńiz ortasyn munaımen lastanýynyń aldyn alý máselelerin reglamentteý syndy máseleler qarastyrylǵan.
