Jer men ınfraqurylym máselesinde ákimderdiń aqtalatyn reti joq - Prezıdent

ASTANA. QazAqparat – 2023 jyly qurylysy bastalatyn mektepter úshin jer ýchaskelerin bólý jáne ınfraqurylymǵa qosý jónindegi barlyq másele bir aı ishinde sheshilýi tıis. Prezıdent Qasym-Jomart Toqaev Reformalar jónindegi joǵary keńestiń kezekti otyrysynda osyndaı mindet júktedi, dep habarlaıdy QazAqparat Aqordaǵa silteme jasap.

«Ákimder jyl sońyna deıin jer, ınfraqurylym jónindegi barlyq máseleni sheshýi qajet. Munda esh aqtalýdyń reti joq. Sondyqtan, atalǵan jumystyń oryndalýyna ákimderdi tikeleı jaýapty etip bekitý jónindegi Úkimettiń usynysyn qoldaımyn.

Qurylysy 2023 jyly bastalýǵa tıis mektepter úshin jer ýchaskelerin bólý jáne ınfraqurylymǵa qosý jónindegi barlyq másele bir aı ishinde sheshilýge tıis. Qalǵandary jyl sońyna deıin», - dedi Memleket basshysy.

Foto: t.me/bort_01