Jer máselesinde bılik pen halyq arasyndaǵy qarym-qatynas tek sotpen retteledi - Isekeshev
ASTANA. QazAqparat - Jer máselesinde bılik pen halyq arasyndaǵy qarym-qatynas tek sotpen retteledi. Búgin «Qala DNK-si: Qoǵamdastyq. Bıznes. Bılik» birinshi ýrbanıstik forýmynda elorda ákimi Áset Isekeshev osylaı málim etti, dep habarlaıdy QazAqparat.
Forým barysynda qala basshysynan súrilgen eski úılerdiń qojaıyndaryna beriletin soma nege ártúrli ekendigin suraǵan bolatyn.
«Zańǵa sáıkes kadastrlyq quny beriledi. Odan keıin sotqa berip, sot somany túzetedi de memleket ústemesin óteıdi. Munan ózge de mysaldar jetedi. Investor bazar saldy. Ol úshin 6-7 úı súrilip, qojaıyndary ótemaqylaryn aldy. Tek bir úı qalyp qoıdy. Onyń qojaıyny múlkiniń sharty túrde 3 mln dollar turatyndyǵyn aıtyp, otyryp aldy. Sodan ol úı bazar alańynyń ortasynda qalyp qoıdy», - dedi qala basshysy.
Onyń aıtýynsha, jer máselesinde bıik pen halyq arasyndaǵy qarym-qatynas tek sotpen retteledi.
«Qala jyldam ósken kezde, joldar salynǵanda qajettilik úshin saıajaı úıleri sot bıligi arqyly da satyp alynady. Onan basqa joly joq. Máselen, jańa vokzal salyndy, oǵan jol qajet. Mundaı jaǵdaıda ne isteýimiz kerek? Jalǵyz jol satyp alý, al daýlardy sot organdary arqyly sheshý», - dedi Á.Isekeshev.
