Jer máselesi týraly saıt iske qosyldy
Atap aıtqanda, onda Jer kodeksindegi jańalyqtar, sondaı-aq jerdi paıdalanýǵa baılanysty memlekettik organdar málimetteri men sarapshylardyń pikirleri qamtylǵan.
Qazirgi kezde saıtta «Jerdi tıimdi paıdalanýdyń talaptary qandaı?», «Qazaqstandyq jer paıdalanýshylardyń múddesi qorǵalǵan», «Memleketpen jerdi tıimdi paıdalanýdy baqylaý jónindegi jumys kúsheıtildi», «Bos turǵan jáne óńdelmegen jerler óz qunarlyǵyn joǵaltýda», «Jerdiń qunaryn saqtaý - basty mindet» degen taqyryptarda materıaldar men maqalalar berilgen.
Sonymen qatar saıttyń «Sizdiń saýalyńyz» aıdarynda jer máselesi boıynsha árbir adam QR Ulttyq ekonomıka mınıstrliginiń vıtse-mınıstri Qaıyrbek Óskenbaev pen «Respýblıkalyq agrohımııalyq qyzmet ǵylymı-ádistemelik ortalyǵy» MM dırektory Erbolat Bazyljanovqa óz saýaldaryn joldaı alady.
Budan bólek, ınternet resýrsta aýyl sharýashylyǵy jerleriniń ınfografıkasy jáne Qazaqstannyń jer qorynyń statıstıkasy qamtylǵan.
