Jer máseleleri jónindegi arnaýly komıssııa qurý bastaldy - AShM
Bıyl aýyl sharýashylyǵy jerlerin sheteldikterge jalǵa jáne qazaqstandyqtarǵa jekemenshikke berýge 2016 jyly engizilgen moratorıı merzimi aıaqtalady. Memleket basshysy jer komıssııasyn qaıta quryp, qarashaǵa deıin Jer kodeksine túzetýler qabyldaýdy tapsyrdy. Jer máseleleri jónindegi arnaýly komıssııa qurý jumysy bastalyp ketti. Oǵan barlyq múddeli taraptar, QR Parlamenti depýtattary, agrobıznes, fermerler odaǵy men qaýymdastyqtarynyń, «Atameken» UKP, oblys ákimdikteriniń ókilderi jáne basqalary kiredi», - dedi mınıstr.
Onyń atap ótýinshe, Jer komıssııasy jumysynyń qorytyndysy jáne usynylǵan pikirlerdi talqylaý boıynsha jańa zań jobasynyń negizin quraıtyn aýyl sharýashylyǵy maqsatyndaǵy jerlerdi aınalymǵa engizý boıynsha biryńǵaı tujyrymdamalyq ádistemeler ázirlenetin bolady.
«Atalǵan zań jobasyn ázirleý Úkimettiń 2021 jylǵa arnalǵan josparynda kózdeldi», - dedi Saparhan Omarov.
Eske salaıyq, Qazaqstan Prezıdenti Qasym-Jomart Toqaev Jer komıssııasynyń jumysyn qaıta jandandyrýdy, bıylǵy qarasha aıyna deıin Jer kodeksine túzetý engizýdi tapsyrǵan bolatyn.