Jer Kúnge barynsha jaqyndady

MÁSKEÝ. TASS-QazAqparat – Búgin, 5 qańtarda Kún men ǵalamsharymyzdyń ara qashyqtyǵy eń tómengi kórsetkishte, sonyń nátıjesinde Kúnniń dıski teleskopta shildede planetalar bir-birinen barynsha alshaqtaǵan sáttegiden 3% úlken kórinip tur. Bul týraly jeksenbi kúni Máskeýdegi planetarıı qyzmetkeri Lıýdmıla Koshman málimdedi, dep habarlaıdy QazAqparat TASS-qa silteme jasap.

«Jeksenbi, 5 qańtarda ǵalamsharymyz perıgelııde – jylyna bir ret qaıtalanatyn Kúnge eń jaqyn núktesinde bolady. Jer ol tustan qańtardyń basynda ótedi, ol 147 mln shaqyrymdy quraıdy. Eń alys núktesinen – afelııden shildeniń basynda ótip, Kúnnen 152 mln shaqyrym qashyqtyqta bolady. Kún dıametri buryshtyq gradýspen ólshenedi. Afelıı men perıgelııdegi kún dıskisiniń dıametri arasyndaǵy aıyrmashylyq kózge kórinbeıdi, óıtkeni Kún dıskisi jarty jylda birkelki júredi. Degenmen, olardy salystyrar bolsaq, kún dıskisiniń dıametri qańtarda 3% úlken bolady», - dep túsindirdi astronom.

Sondaı-aq, ol Jerdegi jyl mezgilderiniń aýysýy Jerdiń Kúnnen qashyqtyǵyna emes, Jerdiń óz osin aınalýyna baılanysty ekenin eske salady.

Planetamyz Kúndi 365 kún 6 saǵat 9 mınýt 10 sekýndta aınalyp shyǵady.