Jer qoınaýynan túsken ónimdi bólý kelisimderin qaıta qaraý úshin kelissóz bastaý kerek - mınıstrlik
«Ónimdi bólý týraly kelisimderdi qaıta qaraý úshin kelissóz bastaý kerek. Bul turǵyda naqty neni qaıta qaraǵymyz keletinin anyqtap alýymyz shart. Eger biz osy bastamany kóterip, naqty bir kórsetkishterdi arttyrý nemese azaıtý turǵysynan talabymyz bolsa, onda kelissóz arqyly sheshiledi. Atap aıtqanda, osy kelissóz protsesi qos tarap ózara kelisimge kelgennen keıin aıaqtalady. ıAǵnı osy rásimder eskerilmese, arbıtraj nemese sot talqylaýy sııaqty másele bolýy múmkin», - dedi A. Hasenov Májilistiń jalpy otyrysynan keıin tilshiler suraǵyna jaýap bere otyryp.
Vıtse-mınıstrdiń aıtýynsha, qazirgi kezde Úkimet osy baǵytta bir kelisimdi sot arqyly sheshý bastamasyn kótergen.
«Eger bul máselede ózara kelise almasaq, onda arbıtrajǵa júginemiz. Al qos tarap ózara kelisimge kelgen jaǵdaıda barlyq problema jeńil sheshiledi», - dedi Ashat Hasenov.
Budan buryn habarlanǵandaı, búgin Májilis depýtaty, «Aq jol» fraktsııasynyń jetekshisi Azat Perýashev strategııalyq ken oryndaryndaǵy Qazaqstan úlesin 51%-dan az bolmaý talabyn zańmen belgileýdi usyndy.
«Eń aldymen ónimdi bólý týraly kelisimderdiń (ÓBK) sharttaryn jarııalaý kerek. Sońǵy ýaqytta buqaralyq aqparat quraldarynda ÓBK-da kóńil kónshitpeıtin sharttar bar degen aqparat jarııalanǵan. Soǵan sáıkes, Qazaqstan Qashaǵan sııaqty iri ken ornynan óndiriletin munaıdan mardymsyz úles alyp otyr», - dedi A. Perýashev.