Jer qoınaýyn paıdalanýshylarǵa taýardy konkýrssyz satyp alýǵa ruqsat berildi

NUR-SULTAN. QazAqparat – Qazaqstanda jer qoınaýyn paıdalanýshylarǵa otandyq óndirýshilerden taýardy konkýrs ótkizbeı satyp alýǵa ruqsat berildi, dep habarlaıdy QazAqparat tilshisi.

«Kásipkerlerdi qoldaý boıynsha: Energetıka mınıstrligi jer qoınaýyn paıdalanýshylarǵa otandyq óndirýshilerden taýardy konkýrs ótkizbeı satyp alýǵa ruqsat berdi. Buryn ol eki aıǵa deıin sozylýy múmkin edi», - dedi Dáýren Abaev «Habar 24» arnasyndaǵy onlaın rejimdegi baspasóz máslıhatynda.

Mınıstr bul túzetýler qazaqstandyq kompanııalardyń úzdiksiz jumysyn jáne bıýdjetke salyq túsimin qamtamasyz etetinin aıtyp ótti. Budan basqa, bul norma kásiporyndarǵa qyzmetkerlerin qysqartpaýǵa kómektesedi.