Jer qoınaýyn paıdalanýshylarǵa ekologııa salasy boıynsha ruqsat alý jeńildetiledi

ASTANA. QazAqparat - Jer qoınaýyn paıdalanýshylar úshin ekologııa salasynan ruqsatnamalar alý ońaılatylyp, merzimi de qysqarady. Bul týraly búgin Májiliste «QR keıbir zańnamalyq aktilerine ekologııa máseleleri boıynsha ózgerister men tolyqtyrýlar engizý týraly» zań jobasynyń tanystyrylymy barysynda málim boldy.

Energetıka vıtse-mınıstri Maǵzum Myrzaǵalıevtyń aıtýynsha, zań jobasy arqyly qoldanystaǵy tabıǵatty qorǵaý zańnamalaryn jetildirý kózdelip otyr. Atap aıtqanda, qorshaǵan ortaǵa qatysty emıssııalardy azaıtý, memlekettik organdar tarapynan beriletin qujattar sanyn qysqartyp, osy baǵytta kórsetiletin memlekettik qyzmetterdi ońtaılandyrý qarastyrylady. Budan bólek, qurlyqtyq qaırańdarda jerdi paıdalaný quqyǵyn júzege asyrý barysynda shekarany kesip ótýdiń keıbir máselelerin retteý kózdelgen.

«Ózgertýler negizinen birinshi kezekte qarapaıym bızneske qatysty máselelerdi jeńildete túsýge baǵyttalyp otyr. Bul rette osy saladaǵy ruqsatnamalardy berý merzimin qysqartý arqyly biz birqatar qujattardy biriktirýdi usynamyz. ıAǵnı, ruqsat alýshylardan talap etiletin qujattar sany azaıady», - dedi M. Myrzaǵalıev.

Máselen, onyń sózine qaraǵanda, memlekettik ekologııalyq saraptama qorytyndysyn alý men qorshaǵan ortaǵa emıssııa úshin ruqsat berýge birdeı qujattar talap etiledi. Bul rette memlekettik ekologııalyq saraptama qorytyndysyna qorshaǵan ortany qorǵaý emıssııalarynyń bekitilgen normatıvteri de jazylady. Osylaısha, atalǵan salada kórsetiletin memlekettik qyzmetter sany da oǵan qatysty usynylatyn qujattar tizbegi de eki esege deıin qysqarady.