Jer qoınaýyn paıdalanýshylardyń satyp alý ashyqtyǵy kelesi jyldyń aıaǵyna deıin sheshiledi - KIOGE 2010
ALMATY. Qazannyń 8-i. QazAqparat /Erbol Azanbek/ - Jer qoınaýyn paıdalanýshylardyń satyp alý erejesin yqshamdandyrýdyń basty maqsaty - otandyq kásiporyndardyń satyp alýǵa qatysýyn qamtamasyz etý. Bul týraly búgin Almatyda ótip jatqan KIOGE 2010 konferentsııasy barysynda «GDÝ NGP» AQ-y «Kelisimshart» agenttigi fılıalynyń dırektory Jan Nurbekov aıtty.
"Qazirgi kezde jer qoınaýyn paıdalanýshylardyń satyp alý qyzmeti ІT qalypqa kóshirilgendikten, jyl aıaǵyna deıin satyp alýdyń ashyqtyǵy máselesi sheshimin tabýy tıis. Eger esterińizde bolsa, buǵan deıin de satyp alýdyń erejesi bolǵan. Biraq sanktsııalar bolmaǵan edi. Eger buǵan deıin jer qoınaýyn paıdalanýshylar bundaı erejeni óreskel buzyp kelse, endigi jerde jańa sanktsııa bul máseleni sheshýge yqpal jasaı alady»,- dedi J.Nurbekov.
Onyń aıtýynsha, aqparattyq tehnologııalar arqyly satyp alýdy uıymdastyrý kóptegen kompanııalarǵa satyp alý týraly barlyq qattamalardy kórýge múmkindik berdi. «Bizge qazirdiń ózinde jer qoınaýyn paıdalanýshylardan shaǵymdar túsip jatyr.Olarǵa nazar aýdarylýda.Jer qoınaýyn paıdalanýshylar da bizben kelisedi. Alaıda erejeni buzǵandardy resmı «jazalaý» kelesi jyldyń aqpan aıynda júrgiziletindikten, qorytyndylar da tek kelesi jyly shyǵarylady», -dedi J.Nurbekov.
