Jer qoınaýyn paıdalanýshylardy monıtorıngileýge arnalǵan platforma ázirlendi
Ol geologııalyq aqparatqa qol jetkizýdi qamtamasyz etýge, lıtsenzııalyq ýchaskelerdi bólýge, sondaı-aq jer qoınaýyn paıdalanýshylardyń eseptiligi men qyzmetiniń monıtorıngin qalyptastyrýǵa arnalǵan.
Buryn geologııalyq esepterdi zertteýden bastap lıtsenzııa alýǵa jáne jyl saıynǵy esepterdi usynýǵa deıingi barlyq protsester qaǵaz júzinde júrgizilgen edi. Sonymen qatar, tekserý úshin derekterdiń jetkiliksizdigine baılanysty kóptegen sybaılas jemqorlyq táýekelderi men qatelikteri oryn alǵan bolatyn. Endi jer qoınaýyn paıdalanýshylar men áleýetti ınvestorlarǵa irgeles ınfraqurylymnan bastap, geologııalyq jáne geofızıkalyq esepterge deıingi elektrondyq formatta suralǵan ýchaske týraly tolyq málimet qoljetimdi bolady. Platformada qatty paıdaly qazbalardy barlaýǵa jáne óndirýge ótinimderdi qabyldaý, qaraý jáne lıtsenzııa berý boıynsha jumystar júrgizilýde. Buǵan qosa, onlaın qabyldaýmen qatar, tipti qaǵaz túrinde berilgen ótinimder de tirkeletin bolady. Osylaısha, Jer qoınaýy jáne jer qoınaýyn paıdalaný týraly Kodekste kózdelgen «birinshi kelgen – birinshi alady» qaǵıdaty boıynsha jer qoınaýyn paıdalanýshynyń jer qoınaýyna qol jetkizý quqyǵyn saqtaýdyń ashyqtyǵy qamtamasyz etiledi.
Qazirgi ýaqytta jańa fýnktsııalardy ázirleý jáne 2023 jylǵy mamyrda josparlanǵan ónerkásiptik paıdalanýǵa engizýge daıyndyq boıynsha jumystar júrgizilýde, jer qoınaýyn paıdalanýshylardy oqytý jáne platforma jumysyn kórsetý júrgizilip jatyr. Bul rette, ázirleýshiler servısterdi odan ári damytýda eskeriletin fýnktsıonaldy jaqsartý jáne damytý jóninde usynystar jınaýdy júzege asyrady.
Platformanyń avtomattandyrylǵan quraldary tabıǵatty paıdalaný qaqtyǵystaryn birden kórsetedi. Paıdalanýshylardyń zańnamaǵa sáıkes barlaý nemese óndirý jumystaryn júrgizýge ruqsat etilgen nemese tyıym salynǵan ýchaskelerdi bir tereze arqyly qaraýǵa jáne tańdaýǵa múmkindigi bolady.
Platformaǵa 30 myń geologııalyq esep júktelgen. Aǵymdaǵy jyly kem degende 24 myń esepti zerdeleý kartasyn tolyqtyrý josparlanyp jatyr. Jer qoınaýyn paıdalanýshylardyń lıtsenzııalyq-kelisimsharttyq talaptarynyń oryndalýyn monıtorıngileý boıynsha jańa fýnktsııalar ázirlenetin bolady.
Esterińizge sala keteıik, buǵan deıin bul jobany Memleket basshysynyń tapsyrmasy boıynsha Ekologııa jáne tabıǵı resýrstar mınıstrligi júzege asyrǵan bolatyn, biraq keıin bul jumys Qazaqstan Respýblıkasy Tsıfrlyq damý, ınnovatsııalar jáne aeroǵarysh ónerkásibi mınıstrliginiń qaramaǵyna berildi.
Foto: QR Tsıfrlyq damý, ınnovatsııalar jáne aeroǵarysh ónerkásibi mınıstrliginiń baspasóz qyzmeti