Jer qoınaýyn paıdalanýshylar tehnologııalyq aqaýlarǵa qatysty esep berip otyratyn bolady
ASTANA. QazAqparat - Búgin Senatyń jalpy otyrysynda palata depýtattary «Qazaqstan Respýblıkasynyń keıbir zańnamalyq aktilerine ekologııalyq máseleler boıynsha ózgerister men tolyqtyrýlar engizý týraly» QR Zańyn qabyldady.
Qujat buǵan deıin birinshi oqylymda maquldanǵan bolatyn. Ekinshi oqylymǵa ázirleý barysynda turaqty komıtetterden birqatar usynystar men túzetýler kelip túsken.
«Atap aıtqanda, zań jobasyn onyń mazmunymen sáıkestendirý maqsatynda ataýy ózgertilip, «jer qoınaýyn paıdalaný» degen sóz tirkesi qosyldy. Sonymen qatar, ekologııa salasynda eki memlekettik qyzmetti - ekologııalyq saraptama men ekologııalyq ruqsat berýdi biriktirýge baılanysty norma alynyp tastaldy. Buǵan sebep - usynylatyn ózgeristerdiń qoldanystaǵy zańnamamen úılestirilýine qatysty júıeli qadamnyń joqtyǵy bolyp otyr», - dedi zań jobasy boıynsha baıandaǵan senator Sergeı Plotnıkov.
Onyń aıtýynsha, túzetýlerdiń bir parasy aıasynda tehnologııalyq jabdyqtardyń jumysynda tehnologııalyq aqaý bolǵan jaǵdaıda jer qoınaýyn paıdalanýshylar bul máseleni tekserýge mindetteledi. Ári jer qoınaýyn paıdalanýshylar dál osy oqıǵalar týraly ýákiletti organdarǵa toqsan saıyn esepter usynatyn bolady.
Tutastaı alǵanda ekinshi oqylym barysynda senatorlar 58 túzetý jasaǵan. Olardyń barlyǵy qabyldandy.
