Jer qoınaýyn paıdalanýda taýarlardaǵy jergilikti qamtý talaptary joıylady - Beıbit Atamqulov
«Búginde elimizde 994 jer qoınaýyn paıdalanýshy tirkeldi. 2019 jyldyń qorytyndysynda jer qoınaýyn paıdalanýshy kásiporyndardyń satyp alý kólemi 7,7 trln teńge boldy. Jergilikti qamtý úlesi - 45 paıyz. Bıylǵy 9 aıda qatty paıdaly qazbalardy qospaǵanda, bul kórsetkish 3,8 trln teńgeni qurady. Jergilikti qamtý úlesi - 46,6 paıyz», - dedi mınıstr.
Onyń aıtýynsha, Qazaqstannyń Dúnıejúzilik saýda uıymyna kirý sharttary boıynsha 2021 jylǵy 1 qańtardan bastap kásiporyndarǵa kórsetiletin preferentsııalardy kezeń-kezeńmen alyp tastaý kózdelgen.
«Jer qoınaýyn paıdalaný salasynda taýarlardaǵy jergilikti qamtý jónindegi talaptar alyp tastalady. Bul rette, jumystar men qyzmetter boıynsha jer qoınaýyn paıdalanýǵa arnalǵan kelisimderdegi jergilikti qamtý úlesi 50 paıyzdan aspaıtyn bolyp belgilenedi», - dedi Beıbit Atamqulov.
