Jer qoınaýyn paıdalaný salasynda ótken alǵashqy ashyq aýktsıonnan 1,5 mlrd. teńge tústi
ASTANA. QazAqparat - Búgin QR Investıtsııalar jáne damý mınıstrliginde jer qoınaýyn paıdalaný salasynda aǵylshyn ádisimen alǵashqy ashyq aýktsıon ótti. Bastapqy quny 190 mln. teńgeni quraǵan 49 nysannyń ishinde 38 kenish boıynsha saýda ótti. Onyń ishinde altyn óndirý, basqa da túrli-tústi jáne sırek kezdesetin metaldar, sonymen birge jyltyr asyl tastar boıynsha nysandar bar.
Aýktsıonǵa qatysýǵa 92 kompanııadan 106 ótinish túsken. Saýda eń joǵarǵy baǵa usynǵansha júrdi. Aýktsıonǵa shyqqan lottardyń 10-y - paıdaly qazbalardy óndirýge, 28-i - barlaýǵa quqyq beredi. Saýdadan barlyǵy 1 mlrd. 415 mln. teńge qarjy tústi. Atap ótetin bir másele, aýktsıon ótkizý QR IDM-niń geologııa jáne jer qoınaýyn paıdalaný salasyndaǵy jumysynyń ashyqtyǵyn arttyrýǵa baǵyttalǵan mehanızmniń biri boldy.
