Jer qoınaýyn paıdalaný quqyǵyna kepil shartyn tirkeý týraly kýálikti endi HQKO-dan alýǵa bolady
ASTANA. QazAqparat - Jer qoınaýyn paıdalaný quqyǵyna kepil shartyn tirkeý týraly kýálikti endi Halyqqa qyzmet kórsetý ortalyqtarynan alýǵa bolady, dep habarlaıdy QR Baılanys jáne aqparat agenttiginiń baspasóz qyzmetinen.
Kýálikti alý úshin HQKO-ǵa ótinish, jer qoınaýyn paıdalaný quqyǵyna kepil shartyn, qyzmet alýshynyń jeke kýáligin, qyzmet alýshy ýákiliniń ókilettigin rastaıtyn qujatty (senimhatty) usyný kerek
HQKO-da jer qoınaýyn paıdalaný quqyǵyna kepil shartyn tirkeý týraly daıyn kýálikti qujat tapsyrǵan kúndi eseptemegende bes jumys kúni ishinde alýǵa bolady. Memlekettik qyzmet jeke jáne zańdy tulǵalarǵa tegin usynylady. «Bul qyzmet Halyqqa qyzmet kórsetý ortalyqtary arqyly aǵymdaǵy jyldyń qańtarynan bastap pılottyq rejımde usynylýda. Qyzmet kórsetý standarty 201 4jylǵy 11 mamyrda zańdy kúshine enýine oraı, endigi jerde Qazaqstannyń HQKO-larynda jalpy negizde kórsetiletin bolady»,- dep atap ótti «HQKO» RMK bas dırektorynyń orynbasary Ásemgúl Baltasheva. Budan buryn jer qoınaýyn paıdalaný quqyǵyna kepil shartyn tirkeý týraly kýálikti tek oblystardyń jáne respýblıkalyq mańyzǵa ıe qalalardyń jergilikti atqarýshy organdarynan ǵana alýǵa bolatyn edi. Qazir qyzmet balamaly bolyp tabylady jáne ony jergilikti atqarýshy organdardan da, sondaı-aq Halyqqa qyzmet kórsetý ortalyqtarynan da alýǵa bolady.
