Jer qoınaýyn paıdalaný quqyǵy berilgen eki kompanııamen kelisimshartty toqtatý týraly is boıynsha sheshimdi Arbıtrajdyq sot 2013 jylǵa qaraı qabyldaıdy
ASTANA. 18 aqpan. QazAqparat - Jer qoınaýyn paıdalaný quqyǵy berilgen eki kompanııamen kelisimshartty toqtatý týraly is boıynsha sheshimdi Arbıtrajdyq sot 2013 jylǵa qaraı qabyldaıdy,
dep habarlady Qazaqstannyń Munaı jáne gaz mınıstrliginiń baspasóz qyzmeti.
2010 jyldyń shilde aıynyń sońynda mınıstrlik «Tolqynmunaıgaz» jáne «Qazpolmunaı» seriktesterimen jer qoınaýyn paıdalaný quqyǵyna berilgen kelisimsharttardyń kúshin toqtatqan bolatyn. Nátıjesinde atalǵan kompanııalardyń menshik ıeleri Stokgolm qalasyndaǵy Halyqaralyq arbıtrajdyq sotqa shaǵym aryz berdi.
Stokgolm saýda palatasynyń Arbıtrajdyq soty 2010 jyldyń 23 qyrkúıeginde atalǵan másele boıynsha daý-damaıdy qarap shyǵyp, sáıkes sheshimdi 2011 jyldyń 26 sáýirine deıin qabyldaý týraly sheshim qabyldanǵan edi.
2010 jyldyń 1 5 jeltoqsanynda jaýap berýshi jáne shaǵymdanýshy taraptardyń jáne Arbıtrajdyq sot reglamentine sáıkes taǵaıyndalǵan arbıtrlardyń qatysýymen sottyń birinshi tyńdaýy ótti. Belgilengen reglamentke sáıkes, daýdyń qaralý merzimi uzartylyp otyr. Bul is boıynsha aqyrǵy tyńdaý 2012 jyldyń 23 shilde aıy 3 tamyz aıynyń aralyǵynda ótetin bolady. Al naqty úkim 2013 jyldyń aqpan aıyna qaraı shyǵarylady.
