«Jer qoınaýy jáne jer qoınaýyn paıdalanýshylar týraly» jańa zań jobasy maquldandy - Májilis
ASTANA. Aqpannyń 17-si. QazAqparat /Qanat Mámetqazyuly/ - Búgin QR Parlamenti Májilisiniń jalpy otyrysynda palata depýtattary «Jer qoınaýy jáne jer qoınaýyn paıdalaný týraly» jańa zań jobasyn maquldady,
dep habarlaıdy QazAqparat.
Atalmysh zań jobasy jer qoınaýyn paıdalaný salasyndaǵy qoǵamdyq qatynastardy quqyqtyq retteýge baǵyttalady. Sonymen birge, zań jobasy memlekettiń, ıaǵnı jer qoınaýy baılyqtary ıesiniń múddesin qorǵaýdy kózdeıdi. Bul shara jer qoınaýyn paıdalanýshylardyń qyzmetine jedel ári barynsha ashyq baqylaý júrgizý arqyly júzege asady. Qujat sonymen qatar jer qoınaýyn paıdalaný quqyǵyn berý sharalaryn ońtaılandyryp, oǵan qajetti ruqsat qaǵazdarynyń sanyn qysqartady.
Zań jobasynda Úkimettiń, sondaı-aq quziretti organnyń jer qoınaýyn paıdalaný salasyndaǵy ózge de memlekettik organdardyń fýnktsııalary naqtylanyp otyr. Sondaı-aq, memlekettiń basymdyqtaryn júzege asyrý jónindegi vedomstvoaralyq komıssııanyń paıdaly qazbalar qorlaryn saraptaý komıssııasynyń, jer qoınaýyn paıdalaný quqyǵyn beretin komıssııanyń qyzmetteri tolyq reglamentteledi. Toqtala ketetin jaıt, bundaı komıssııalar búgingi kúni naqty is júzinde qyzmet etip otyrǵanymen de, qoldanystaǵy zańnamada olar qarastyrylmaǵan.
Budan basqa, qujat boıynsha quziretti organnyń quqyq berýge ruqsaty qajet bolmaǵan jaǵdaıda jer qoınaýyn paıdalanýǵa qatysty jańa normalar kózdelgen. Sonymen birge, qujatta jer qoınaýyn paıdalanýshylarǵa qazaqstandyq qamtý boıynsha qoıylatyn talaptar da anyqtalǵan.
Zań jobasymen jumys barysynda depýtattar tarapynan 1 myń 700-ge tarta tolyqtyrýlar kelip tússe, onyń 653-i salystyrmaly kestege engizilgen. Qujatty qabyldaý Qazaqstannyń jer qoınaýyn paıdalaný salasyndaǵy ınvestıtsııalyq ahýalyn jaqsartady dep kútilip otyr.
Májilis maquldaǵan zań jobasy Parlament Senatyna jiberiledi.
