«Jer qoınaýy týraly» Kodeks ınvestorlarǵa jańa «oıyn erejelerin» qalyptastyrady
ASTANA. QazAqparat - Qazaqstanda «Jer qoınaýy týraly» jańa Kodeks jasaqtalyp jatyr. Bul týraly Ulttyq kásipkerler palatasynyń halyqaralyq seriktestik boıynsha atqarýshy hatshysy Evgenıı Bolgert málim etti.
«Bul Qazaqstannyń mıneraldy-shıkizattyq naryqta jańa jaǵdaılar men «oıyn» erejelerin engizetin bazalyq qujat bolmaq. Bul óz kezeginde Qazaqstannyń aldynda turǵan birqatar mańyzdy mindetterdi sheshýge yqpal etedi», - dedi E. Bolgert.
Onyń sózine qaraǵanda, qazbaly shıkizatty óndirý kólemi joǵary deńgeıde qalyp otyr. Biraq shıkizattyq bazany ulǵaıtý jumystary artta qalyp qoıýda. Onyń sózi boıynsha, bul negizinen geologııalyq barlaýdyń álsizdiginen ǵana emes, osy salaǵa salynyp jatqan ınvestıtsııa kóleminiń azdyǵynan bolyp otyr.
«Biz osy salada betke ustar elderdiń halyqaralyq tájirıbelerin qarap shyqtyq. Bul negizinen Kanada men Avstralııa. Osy jaqynda ǵana palata avstralııalyq bıznesmenderdiń delegatsııasyn qabyldady jáne Qazaqstanǵa ınvestıtsııalaý múmkindikterin aıtyp berdik», - dedi Evgenıı Bolgert.
