«Jer qoınaýlary týraly» Kodeks tujyrymdamasyn jyldyń ortasynda bekitý josparlanyp otyr - Á.Isekeshev
ASTANA. QazAqparat - Qazaqstan Respýblıkasynyń «Jer qoınaýlary týraly» Kodeksiniń tujyrymdamasyn 2015 jyldyń ortasynda bekitý josparlanyp otyr, dep habarlady búgin «Taý-ken salasyndaǵy ınvestıtsııalar men ınnovatsııalardy ilgeriletý» atty VI taý-ken ónerkásibi forýmynda QR Investıtsııalar jáne damý mınıstri Áset Isekeshev.
«Bıylǵy jyldyń maýsym aıynda Úkimette tujyrymdamany bekitip, odan keıin kodekstiń ózin pysyqtaıtyn bolamyz», - dedi Á.Isekeshev. Onyń aıtýynsha, «Jer qoınaýy týraly» Kodeksti qabyldaý 2016 jylǵa josparlanyp otyr, dep habarlanǵan QR Premer-mınıstriniń resmı portalynda. Vedomstvo basshysy qujattyń zańnamalyq bazasy Ekonomıkalyq yntymaqtastyq jáne damytý uıymy elderiniń standattaryna sáıkes keletinin atap ótti. «Avstralııa, Kanada elderinde kórinis bergen aldyńǵy qatarly tájirıbıeler bar. Bizdiń kodeksimizdiń damyǵan elderdiń talaptaryna sáıkes kelgenin qalaımyz. Mysaly, jeńildetilgen tártip boıynsha barlaý kelisimderine kelý merzimderi 3 kúnge deıin qysqartylady», - dep naqtylady QR IDM-niń basshysy.
