Jer qoınaýynyń zamanaýı kartasyn jasaıtyn ýaqyt keldi — Toqaev
ASTANA. KAZINFORM — Kelesi jyldyń ortasyna deıin ozyq halyqaralyq standarttarǵa saı sertıfıkaty bar zerthana ashý kerek. Bul týraly Memleket basshysy Qasym-Jomart Toqaev Qazaqstan halqyna Joldaýynda aıtty.
— Elimizde aýqymdy aero-geofızıka zertteýleri ábden eskirgen. Tsıfrlyq quraldardy paıdalana otyryp, jer qoınaýynyń zamanaýı kartasyn jasaıtyn ýaqyt keldi. Mundaı qadam ken oryndarynyń áleýetin jańa sapalyq turǵydan baǵalaýǵa múmkindik beredi. Bul jumysqa da halyqaralyq sarapshylardy tartýǵa bolady. Árıne, ǵylymı negizi bolmasa, barlaý jumysyn oıdaǵydaı júrgizý múmkin emes. Kelesi jyldyń ortasyna deıin ozyq halyqaralyq standarttarǵa saı sertıfıkaty bar zerthana ashý kerek. Ony Ulttyq geologııalyq qyzmettiń bazasynda qurǵan jón, — dedi qasym-Jomart Toqaev.
Memleket basshysy jer qoınaýyna qatysty málimettiń bárin, eń aldymen, jasandy ıntellekt tehnologııasyn engizý arqyly júıelep, tsıfrlandyrý qajettigin aıtty.
— Geologııalyq barlaý salasy aýqymdy ınvestıtsııaǵa muqtaj. Úkimet bul ózekti máseleni eskerý kerek. Geologııalyq barlaý jáne jer qoınaýyn ıgerý salasyndaǵy reformalardyń zań júzindegi jáne is júzindegi rásimderin jyl sońyna deıin aıaqtaý kerek, — dedi Prezıdent.
Sondaı-aq Memleket basshysy joǵary tehnologııaǵa 1 mlrd dollar ınvestıtsııa tartý týraly baǵdarlama ázirleý qajettigin aıtty.
Aıta keteıik, Joldaýdyń onlaın translıatsııasy Jibek Joly efırinde, sondaı-aq telearnanyń YouTube arnasynda júrip jatyr.
Kazinform saıty tikeleı efırmen qatar, jazbasha translıatsııa da jasaıdy.
Sondaı-aq Joldaý mátinin agenttiktiń telegram arnasynan oqýǵa bolady.