Jer qoınaýyn paıdalanýshylarǵa arnalǵan memlekettik aqparattyq júıe iske qosyldy

ASTANA. KAZINFORM - 1 shildeden bastap Qazaqstanda «Jer qoınaýyn paıdalaný jónindegi operatsııalardy júrgizý kezinde paıdalanylatyn taýarlar, jumystar jáne kórsetiletin qyzmetterdiń jáne olardy óndirýshilerdiń tizilimi» jańǵyrtylǵan memlekettik aqparattyq júıesi iske qosyldy.

Tizilim platformacy burynǵy reestr.nadloc.kz resýrsynyń ornyna qoldanysqa engizilip, satyp alý júıesiniń tıimdi ári nátıjeli jumys isteýin qamtamasyz etedi.

- Tizilim aqparattyq júıesi normatıvtik ózgeristerge sáıkes ázirlenip, satyp alý rásimderin taýarlar, jumystar men qyzmetter boıynsha biryńǵaı nomenklatýralyq anyqtamalyǵyndaǵy (TJQBN) kodtarǵa sáıkes júzege asyrady.

Jer qoınaýyn paıdalanýshylar men ónim berýshiler úshin tizilim.gov.kz júıesinde tirkelý 23 maýsymda bastalǵan. 1 shildege deıin jer qoınaýyn paıdalanýshylar «Samuryq-Qazyna Kontrakt» JShS-men TJQ boıynsha Biryńǵaı nomenklatýralyq anyqtamalyqty (TJQ BNA) paıdalaný abonentin alý jóninde shart jasasýy jáne júıege tirkelý qajet bolǵan, - dep jazdy Ónerkásip jáne qurylys mınıstrliginen.

Esterińizge sala keteıik, qoldanystaǵy reestr.nadloc.kz aqparattyq júıesiniń nusqasynda 1 shildege deıin jarııalanǵan satyp alýlardy tapsyrys berýshiler sol júıede aıaqtaıdy.

Júıeniń jumys isteýine qatysty barlyq suraqtar boıynsha QR Ónerkásip jáne qurylys mınıstrliginiń 1465 Biryńǵaı baılanys ortalyǵyna habarlasýǵa bolady.

Sonymen qatar, osy mınıstrlik pen «QazIndustry» AQ resmı saıttarynda Tizilim júıesine tirkelý boıynsha qadamdyq nusqaýlyqtar jarııalanǵan.

Aıta keteıik, Abaı oblysynda prokýratýra jer qoınaýyn paıdalanýshylardan 100 mln teńge óndirip aldy.