Jer qoınaýyn paıdalanýdyń Biryńǵaı platformasy arqyly 729 lıtsenzııa berildi
ASTANA. KAZINFORM – Qazaqstanda jer qoınaýyn paıdalaný salasyndaǵy negizgi rásimderdi tsıfrlyq formatqa kóshirý jumysy jalǵasyp jatyr. Osy maqsatta jer qoınaýyn paıdalanýdyń Biryńǵaı platformasy damyp keledi. Bul týraly OKQ alańynda ótken brıfıngte QR Ónerkásip jáne qurylys vıtse-mınıstri Jánnat Dúbirova málim etti.
Onyń aıtýynsha, qazir platforma arqyly 22 memlekettik qyzmet tolyq avtomattandyrylyp, qoljetimdi bolyp otyr.
— Elektrondy aýktsıondar men qol qoıý bonýsyn onlaın tóleý tetiginiń iske qosylýy bıznes úshin artyq kelisý rásimderin azaıtty. Sonyń nátıjesinde qaǵaz qujat aınalymy qysqaryp, qyzmet alý úderisi jeńildedi. Búginge deıin 729 lıtsenzııa qashyqtan, adam qatysýynsyz berildi, — dedi vıtse-mınıstr.
Sonymen qatar tsıfrlandyrý esep berý salasyn da qamtyǵan. Ótken jyldyń qorytyndysy boıynsha jer qoınaýyn paıdalanýshylar taratylý mindettemelerine qatysty esepterdiń 89%-yn elektrondy túrde tapsyrǵan.
Aıta keteıik, Qazaqstanda jasandy ıntellekt pen tsıfrlandyrýǵa 177 mlrd teńge bólindi.
