Jer komıssııasynyń birinshi otyrysynda 55 usynys aıtylǵan

NUR-SULTAN. QazAqparat – Jer reformasy komıssııasynyń birinshi otyrysynda komıssııa músheleri tarapynan 55 usynys aıtylǵan. Bul týraly QR Aýyl sharýashylyǵy mınıstrligi jer reformasy komıssııasynyń ekinshi otyrysynda QR Premer-Mınıstriniń orynbasary Eraly Toǵjanov aıtty, dep habarlaıdy QazAqparat tilshisi.

«Jer reformasy jónindegi komıssııa otyrysynda komıssııa músheleri tarapynan 55 usynys aıtyldy. Onyń ishinde 15-i - quqyqtyq sıpatta, 29-y - ekonomıkalyq sıpatta, 11-i uıymdastyrýǵa qatysty suraqtar boldy. Barlyq usynys jumys tobynda komıssııa músheleriniń, jaýapty memlekettik organdardyń, sala mamandarynyń qatysýymen jan-jaqty qaraldy. Birqatar suraqtar boıynsha naqty sheshimder jobasy ázirlendi. Búgin júrgizilgen jumystyń qorytyndysyn talqylaımyz», - dedi QR Premer-Mınıstriniń orynbasary Eraly Toǵjanov jıynda.

Eske sala ketsek, jer reformasy komıssııasynyń ekinshi otyrysynda QR Premer-Mınıstriniń orynbasary Eraly Toǵjanov memleket basshysy Qasym-Jomart Toqaev jerdiń sheteldikterge berilmeıtini jóninde naqty sheshim qabyldap, núktesin qoıǵanyn aıtqan bolatyn.