Jer komıssııasy:1942 jylǵy qupııa koordınattar júıesinen bas tartý qajet

NUR-SULTAN. QazAqparat – Qazaqstan jer qatynastaryn basqarýda 1942 jylǵy qupııa koordınattardy paıdalanyp otyr. Jer reformasy jónindegi komıssııanyń úshinshi otyrysynda osyndaı másele kóterildi, dep habarlaıdy QazAqparat tilshisi.

Jer reformasy jónindegi komıssııanyń ekonomıkalyq máseleler jónindegi jumys tobynyń basshysy Aqylbek Kúrishbaev jer qatynastaryn tsıfrlandyrýǵa kedergi keltirip otyrǵan basty tosqaýyldy atady.

«1942 jylǵy qupııa koordınattar júıesin paıdalanýdan biryńǵaı koordınattar júıesine aýysýymyz qajet. Bul suraq jer qatynastaryn tsıfrlandyrýdyń negizi bolyp tabylady. Qazirgi tańda TMD memleketteriniń ishinen atalǵan 1942 jylǵy eski kordınattar júıesinde tek Túrikmenstan men Qazaqstan ǵana qalǵan. ıAǵnı, bul máselede biz qatty qalyp otyrmyz. Usynys – jer resýrstaryn basqarýda 1942 jylǵy qupııa koordınattar júıesinen biryńǵaı koordınattar júıesin paıdalanýǵa tezirek kóshý», - dedi jumys tobynyń basshysy.

Atalmysh sharada Aqylbek Kúrishbaev halyqqa jaıylymdyq jer berýde bıýrokratııa óte kóp ekenin aıtqan bolatyn.

Osy aptada Májilis jerdi sheteldikterge berýge birjola tyıym salýdy kózdeıtin zań jobasyn maquldady.

Prezıdenttiń kómekshisi Erlan Qarın osy zań jobasynyń maquldanýy týraly pikir bildirgenin jazǵan bolatynbyz.