Jer kadastryn ashý, QR azamattyǵyn alý talaptaryn kúsheıtý kerek – Muhtar Taıjan

NUR-SULTAN. QazAqparat –Qoǵam belsendisi Muhtar Taıjan Májiliste «QR keıbir zańnamalyq aktilerine jer qatynastary máseleleri boıynsha ózgerister men tolyqtyrý engizý týraly» zań jobasyna óz usynymdaryn aıtty, dep habarlaıdy QazAqparat.

«Biz Prezıdenttiń aýyl sharýashylyǵy jerlerin sheteldikterge satýǵa jáne jalǵa berýge tyıym salý týraly tapsyrmasyn oryndaýymyz kerek. Ol úshin men zańda bylaı jazýdy usynamyn: Jer QR rezıdentterine, ıaǵnı jeke tulǵalar men zańdy tulǵalarǵa beriledi. Quryltaıshylar men qatysýshylar quramynda da jeke tulǵalar QR azamattary bolýy kerek. Bul usynysty aıtqan sebebim, kez kelgen notarıýs qandaı da bir JShS quramyndaǵy jeke tulǵalardyń QR azamattary ekenin kórgende, mámilelerdi rásimdeý ońaı bolady. Al JShS men zańdy tulǵalardy tekserý múmkin emes, olardyń quramyndaǵy sheteldikterdiń úlesi bar ma, joq pa?», - dedi M. Taıjan Májiliste zań jobasy jumys tobynyń otyrysynda.

Onyń aıtýynsha, sheteldikterge, sheteldik zańdy tulǵalarǵa jerdi satýǵa jáne jalǵa berýge tyıym salý úshin jer kadastryn ashý qajet.

«Jer kadastryn ashpasaq, bul maqsatqa qol jetkize almaımyz. ıAǵnı, memleket menshigi bolyp sanalatyn aýyl sharýashylyǵy jerlerin kim jaldap otyrǵanyn kórýimiz kerek. Bul aqparattar ashyq bolýǵa tıis jáne «Jeke derekter týraly» zań esh buzylmaıdy, sebebi aýyl sharýashylyǵy jerleriniń 99 paıyzdan astamy – memleket menshigi. Jalǵa alýshylardyń aty nemese zańdy tulǵalar ataýy ashyq bola alady», - dedi M. Taıjan.

Sonymen birge, spıker Qazaqstan azamattyǵyn alý talaptaryn kúsheıtýdi usyndy.

«Álemdik tájirıbege súıenetin bolsaq, qandaı da bir eldiń azamattyǵyn alý úshin adamdar eń kemi 5 jyl turýy kerek, sol eldiń tili men tarıhy boıynsha synaq tapsyrýy kerek. ıAǵnı, osy elge nıettestigin bildirýi kerek jáne el ishinde zańbuzýshylyqtar jasamaýy kerek», - dedi Muhtar Taıjan.

Buǵan deıin otyrysta QR Aýyl sharýashylyǵy vıtse-mınıstri Rústem Qurmanov qandastar jerdi qandaı maqsatta ala alatynyn túsindirgen edi.