Jer kadastry ashyq bolýy kerek - Muhtar Taıjan

NUR-SULTAN. QazAqparat – Jer reformasy jónindegi komıssııanyń birinshi otyrysynda qoǵam qaıratkeri Muhtar Taıjan aýyldaǵy jaıylym jáne shabynldyq jerler boıynsha problemany aıtty, dep habarlaıdy QazAqparat tilshisi.

«Jer kadastry ashyq bolýy kerek. Jer kimniń qolynda, kim ıgerip jatyr, kim paıdalanyp otyr? Mundaı aqparat halyqtyń barshasyna aıqyn bolǵany jón. Meniń keıbir qarsylastarym bul talap jeke málimet týraly zańnamaǵa qaıshy ekenin alǵa tartyp otyr. Olaı emes, sebebi jerdiń aýyl sharýashylyǵyna arnalǵan 99 paıyzy memlekettiń menshigi. Sondyqtan bul turǵyda eshqandaı jeke málimet týraly zańǵa qaıshy emes», - dep toqtaldy M. Taıjan.

Sonymen qatar ol halyqtyń jartysy aýylda turyp jatqanyn, bul eldi mekenderde jaıylym ári shabyndyq, egistik jer tapshy ekenin, bul alqaptar bir qolda shoǵyrlanǵanyn aıtty.

«Burynǵy paı júıesin paıdalanyp, quıtyrqy jolmen aýyl turǵyndaryn jersiz qaldyrdy. Qazir memleket, Úkimet osy qatelikti túzetý kerek dep esepteımin. Sondyqtan aýyldyń mańaıyndaǵy jerge qatysty birjaqty kelisimsharttardy úzildi-kesildi merziminen buryn buzýymyz kerek. Ár aýyldyń aýmaǵynda jerler osy eldi meken turǵyndaryna tıesili bolýy tıis, ıaǵnı qoǵamdyq jaıylym, qoǵamdyq egistik, qoǵamdyq shabyndyq degen qalyptasqany jón», - dedi qoǵam qaıratkeri.