Jer halqynyń 40 paıyzyna bezgek qaýpi tónip tur
ASTANA. Tamyzdyń 4-i. QazAqparat - Ótken jylǵy málimetterge negizdelgen eki jańa zertteýdiń qorytyndysy, jer betinde 3 mılllıardtaı adamnyń bezgek indetin juqtyrý qaýpimen ómir súrip jatqanyn kórsetip otyr.
Jer halqynyń 40 paıyzyna tónip otyrǵan bul qaýip bezgek aýrýyn juqtyratyn masany ári qaraı zertteý kerek ekenin kórsetedi, deıdi ǵalymdar.
Zertteý derekterine súıenetin bolsaq, ásirese, Orta jáne Ońtústik-Shyǵys Azııanyń turǵyndarynyń indetti juqtyrý táýekelderi kóbirek, dep habarlaıdy VVS radıostansysy.
Afrıkada jergilikti turǵyndardyń genetıkalyq erekshelikteriniń arqasynda bezgekti juqtyrý qaýpi tómendeý. Biraq ta, ol elge syrttan kelýshiler úshin qaýip joǵary.
2008 jyly álem boıynsha bezgekpen aýyrýdyń 250 mıllıon oqıǵasy tirkelgen. 1 mıllıondaı adam sodan qaıtys bolǵan, olardyń negizin balalar quraıdy.
