Jer bólgende jergilikti turǵyndardyń qoǵamdyq pikiri eskeriledi
«Zań jobasy aýyl sharýashylyǵy jerlerin qazaqstandyqtarǵa jalǵa berý ınstıtýtyn saqtaı otyryp, jerlerdi konkýrstyq negizde berýdiń jeke tártibin belgileýdi kózdeıdi. Kórsetiletin tártippen aýyl sharýashylyǵyn júrgizý úshin jer ýchaskeleri ákimdikpen bekitilgen konkýrsqa qoıylatyn jerler tizbesine sáıkes beriledi. Tizbe aýdannyń jer qatynastary bólimdermen ázirlenip, mindetti túrde qoǵamdyq keńestermen jáne «Atameken» UKP-men kelisilip, aýdannyń atqarýshy organymen bekitiledi. Konkýrstyń aıqyndylyǵyn qamtamasyz etý úshin konkýrstyq komıssııanyń quramyna onyń músheleriniń keminde elý paıyzyn quraıtyn qoǵamdyq keńester men uıymdardyń ókilderin qosý kózdelgen. Bul normalar jer bólý barasynda jergilikti turǵyndardyń qoǵamdyq pikirin eskerý úshin engiziledi», - dedi Nysynbaev
Sonymen qatar konkýrstyń jarııalylyǵy men onyń barlyq qatysýshylarynyń teń qol jetkizýin qamtamasyz etý maqsatynda jańa tártip boıynsha konkýrs ótkiziletindigi týraly habarlandyrý buqaralyq aqparat quraldarynda, Aýyl sharýashylyǵy mınıstrligi jáne ákimdikterdiń resmı ınternet resýrstarynda ornalastyrylady.
Osy oraıda jerlerdi tıimdi paıdalanýdyń tıisti talaptary eskerilip otyr. Beriletin jerlerdiń utymdy paıdalanylýyn baqylaý maqsatynda zań jobasynda turaqty monıtorıng júrgizý kózdelgen.
«Monıtorıng kórsetkishterinde jer teliminiń nysanaly maqsaty, ónimdilik deńgeıi men aýyspaly egistikti saqtaý, jerlerdi aramshóp basýyna jol bermeý, egistikterdi qorǵaý boıynsha sharalar júrgizý, jaldaý shartynyń mindetterin oryndaý kiredi. Monıtorıng quramyna aýyl sharýashylyǵy organdarynyń, qoǵamdyq uıymdar men birlestikterdiń ókilderi kiretin komıssııanyń, sondaı-aq jer qatynastary bólimderiniń qatysýymen júzege asyrylady. Ony júrgizýdiń tártibi Aýyl sharýashylyǵy mınıstrliginiń buıryǵymen bekitiledi», - dedi vıtse-mınıstr.