Jer betinde planetalyq aýqymda qýatty magnıttik daýyl bolyp jatyr

ASTANA. KAZINFORM –Jerdegi magnıttik daýyl qysqa úzilisten keıin qaıta jalǵasyp, qýaty ortasha G2 deńgeıine jetti.

E.K.Fedorov atyndaǵy Qoldanbaly geofızıka ınstıtýtynyń málimetinshe, Jerdiń magnıt órisiniń buzylýy qazirgi ýaqytta bes deńgeıli shkala boıynsha G2 deńgeıinde tur. Bul rette G5 – óte kúshti jáne G1 álsiz sanalatynyn ekenin aıta ketý kerek.

12 qarasha kúni Kún astronomııasynyń zerthanasy XRAS planetalyq aýqymdaǵy qýatty magnıt daýyly bastalyp, ol eń joǵary G5 deńgeıine jetip qaldy. Bul sońǵy kúnderdegi kún jarqylynyń ekstremaldy belsendiliginiń aıasynda Jerge úsh plazmaly bulttardyń kelýine baılanysty qalyptasyp otyrǵan jaǵdaı.

- Úzilip kelip jatqan málimetterden Jer aınalasynda erekshe joǵary tyǵyzdyq pen plazma temperatýrasy tirkelip jatqanyn túsinýge bolady jáne olar ádettegi temperatýradan on ese joǵary, - delingen mekemeniń málimdemesinde.

Eske sala ketsek, Kún betindegi kúshti jarqyl Jerge qaraı plazma shyǵaryndysymen qatar júrdi. Onyń baly X5.1 shamasynda boldy.

Kún jarqyldary rentgen sáýlelenýiniń qarqyndylyǵyna baılanysty bessanatqa bólinedi: A, B, C, M jáne X. Eń tómengi klas, A0.0, Jer orbıtasyndaǵy sharshy metrge 10 nanovatt rentgen sáýlelený qarqyndylyǵyna sáıkes keledi.

Sondaı-aq Kúnniń qýatty jarqylynan keıin paıda bolǵan úsh plazma bulty Jerge qaraı jaqyndaǵanyn jazdyq.

Sondaı-aq, jer betinde planetalyq masshtabtaǵy magnıttik daýyl bastalǵany týraly habarlandy.