Jer betindegi ómir úshin: Qazposhta jańa poshta markasyn tanystyrdy
Jańa poshta markasy Memleket basshysy Nursultan Nazarbaevtyń bastamasymen iske qosylǵan ıadrolyq qarýdyń joıylýyna qoldaý kórsetetin ATOM (Abolish testing - our mission) jobasyna arnalǵan.
«ATOM Jobasy - Prezıdent Nazarbaevtyń jahandyq ıadrolyq qarýsyzdandyrý jáne qoǵamdyq dıplomatııa salasyndaǵy mańyzdy bastamasy. Bul bastamany Elbasy 2012 jyldyń 29 tamyzynda «ıAdrolyq synaqtarǵa tyıym salýdan - beıbitshilikke, ıadrolyq qarýdan - erkindikke» atty halyqaralyq konferentsııasynda kótergen bolatyn», - dep atap ótti QR Syrtqy ister mınıstriniń orynbasary Roman Vasılenko markanyń resmı tanystyrylymynda. 
Sonymen birge, R. Vasılenko Qazaqstanda sheteldik seriktestermen birge ıadrolyq qarýǵa qarsy kúres kúnine arnalǵan iri halyqaralyq sharalar uıymdastyrylatynyn jetkizdi. 29 tamyzdan 1 qyrkúıekke deıin Astanada QR SІM men sheteldik saıası jáne qoǵamdyq-sarapshylyq top ókilderiniń qatysýymen ıAdrolyq synaqtarǵa jappaı tyıym salý týraly Shartty uıymdastyrýdyń (ıASJTShU) tórtkúndik konferentsııasy ótedi.
Al erteń Memleket basshysy Nursultan Nazarbaev Astanada ıadrolyq synaq qurbandaryna arnalǵan «Beıbitshilik qabyrǵasy» monýmentin ashady.
Óz kezeginde, ATOM jobasynyń Qurmetti elshisi Káripbek Kúıikov ATOM Jobasynyń maqsaty álem boıynsha ıadrolyq qarý synaqtaryn túpkilikti toqtatý jáne álemdi ıadrolyq qarýdan bosatýda adamdardy biriktirý ekenin atap ótti.
«ATOM Jobasynyń saıtynda el kóshbasshylarynan ıadrosyz álemdi qurý talap etilgen petıtsııa ornalastyryldy. Oǵan álemniń 100 elinen 312 myńnan astam adam qol qoıdy. Bizdiń endigi maqsatymyz - 1 mıllıon qol jınaý. Eger sizder áli de qosylmaǵan bolsańyzdar, jobanyń www.theatomproject.org saıtyndaǵy petıtsııaǵa qol qoısańyzdar bolady. Sol arqyly ıadrolyq qarýsyz álemdi qurýǵa úles qosa alasyzdar», - dedi K. Kúıikov.
ATOM Jobasynyń «Jer betindegi ómir úshin» poshtalyq markasy ofsettik baspamen kók jáne sary tústi boıaýda jasalǵan. Perforatsııasy ırek tárizdi, tırajy - 20 000 dana.
