Jer betindegi halyqtyń 41 paıyzy 24 jasqa tolmaǵan - Álemdik baspasózge sholý
Saqaldy adamdardyń jaqsy jumys tabýy qıyn – Daily Mail
«Bul hıpsterler úshin jaqsy jańalyq bolmaýy múmkin, biraq ǵalymdar saqaly bar adamdarǵa jaqsy jumys tabýdyń qıyn ekenin aıtty», dep jazady Daily Mail.
Basylymnyń habarlaýynsha, ǵalymdar sońǵy zertteýler nátıjesinde jumys berýshiler saqaldy adamdardy ujymmen tez til tabysa almaıdy dep qabyldaıtynyn anyqtaǵan.
«Florıdadaǵy Rollıns kolledjiniń psıhologtary jumys berýshilerdiń ne sebepti saqaldy adamdardan qashqaqtaıtynyn anyqtaı almady. Degenmen, buǵan deıingi zertteýlerde saqal adamdy ashýly etip kórsetetini aıtylǵan edi», dep jazady basylym.
Ǵalymdar zertteýi týraly maqala The Journal of Social Psychology jýrnalynda jarııalanǵan. Onda avtorlar bul jańalyq jumys izdep júrgen adamdarǵa kómek bola alatyny aıtylǵan. Sonymen qatar bul zertteýde jumys berýshiler kózildirik taqqan nemese galstýk kıgen adamdardy da jaqsy qabyldaıtyny anyqtalǵan
39 adamnyń denesi tabylǵan kóliktiń júrgizýshisi adam óltirdi dep aıyptaldy – VVS
Soltústik Irlandııanyń 25 jastaǵy turǵyny Mo Robınson Anglııanyń Esseks graftyǵynda júk kóliginen tabylǵan 39 adamnyń ólimine kináli dep aıyptalýda, dep jazady VVS.
Buǵan deıin polıtsııa kólikten 31 er jáne 8 áıel adamnyń denesin tapqanyn habarlaǵan bolatynbyz. Oqıǵaǵa kúdikti retinde bes adam qamaýǵa alynǵan edi.
Polıtsııanyń boljamy boıynsha, júk kóligi Bolgarııadan kelip, Ýels graftyǵynyń Holıhed porty arqyly el aýmaǵyna 19 qazanda kirgen. Jergilikti polıtsııanyń málimetinshe, quqyq qorǵaý organdary qylmystyq is qozǵaǵan. 25 jastaǵy soltústikırlandııalyq júk kóliginiń júrgizýshisi adam óltirdi dep aıyptalyp otyr.
Máıitterdi sáıkestendirý protsesi bastalyp ketti. Alaıda polıtsııa bul is uzaqqa sozylýy múmkin ekenin habarlady. VVS basylymy qaza tapqandar arasynda Vetnam azamattary bar ekenin anyqtady. Vetnamdyq buqaralyq aqparat quraldarynyń habarlaýynsha, Essekste júk kóligi tabylǵannan keıin jıyrma shaqty jergilikti turǵyn ózderiniń jaqyndaryn taba almaı otyrǵanyn habarlaǵan. Vetnamnyń Londondaǵy elshiligi jaǵdaıdy baqylap otyrǵanyn jáne Brıtanııa bıligimen baılanysta ekenin habarlady.
Kalıfornııadaǵy orman órti:
mıllıondaǵan adam jaryqsyz qalýy múmkin – The New York Times
AQSh-tyń Kalıfornııa shtatynyń mıllıondaǵan turǵyny orman órtiniń kesirinen jaryqsyz qalýy múmkin. Los-Anjeleste tótenshe jaǵdaı jarııalandy, dep jazady The New York Times.
Kalıfornııadaǵy eń iri elektr energııasynyń kompanııasynyń habarlaýynsha, jaryq shtattyń 36 okrýgynda sónýi múmkin. Al shtat gýbernatory kompanııany durys jumys istemeı jatqany úshin kinálady. Sonymen qatar ol jaryq sónetin turǵyndarǵa 100 dollar jeńildik berýdi talap etti.
Juma kúni PG&E kompanııasy 850 myń adamnyń jaryqsyz qalýy múmkin ekenin eskertti. Bul jaǵdaı 2 mln adamǵa áser etýi múmkin. Kompanııa ókilderiniń aıtýynsha, qatty jelden elektr jelileri zaqymdanyp, tutanýy múmkin, al orman órtine qurǵaqshylyq áser etip otyr.
Aıta ketý kerek, órt sársenbi kúni bastalǵan edi. Órt bastalǵanǵa deıin jeti mınýt burynPG&E jelileriniń zaqymdanǵany belgili boldy. Degenmen, órttiń bastalý sebebi áli anyqtalǵan joq.
Kalıfornııa shtatynda 2018 jyly shtat tarıhyndaǵy eń iri órt saldarynan 85 adam qaza tapqan bolatyn. Ol kezde órt PG&E jelilerindegi avarııa saldarynan bolǵan edi.
Álem halqynyń 41 paıyzy 24 jasqa tolmaǵan – The Guardian
«Álem boıynsha barlyq halyqtyń 41%, ıaǵnı, shamamen 7,7 mıllıard adam 24 nemese odan tómen jasta. Afrıkada halyqtyń 41% 15 jasqa tolmaǵan. Álemdegi halyqtyń 65% ómir súretin Azııa men Latyn Amerıkasynda bul kórsetkish 25% quraıdy», dep jazady The Guardian.
Basylymynyń habarlaýynsha, damyǵan elderde dısbalans basqasha órbıdi. ıAǵnı, eýropalyqtardyń tek 16% 15 jastan tómen, al halyqtyń 18% 65 jastan asqan.
«Bul jahandyq fenomen saıası bombaǵa uqsaıdy. Ár aı saıyn Úndistanda mıllıon adam 18-ge tolady jáne daýys berý quqyǵyna ıe bolady. Al Taıaý Shyǵys pen Soltústik Afrıkada aldaǵy bes jylda 27 mıllıon jas jumys naryǵyna aıaq basady. Osylaısha halyqty jumys oryndarymen qamtymaıtyn, tıisti jalaqy men turǵyn úı usyna almaıtyn úkimetter úlken problemaǵa tap bolady», dep jazady basylym.
Avtor maqalada jastardyń kóbi bilimdi ekenin jazady.
«Áleýmettik jelilerdiń arqasynda, aǵylshyn tili men ınternettegi aqparattyń jahandanýy men demokratızatsııalanýynyń arqasynda jastar ómirdiń alternatıv nusqalaryna óte ashyq, sonymen qatar ámbebap normalar men quqyqtarǵa tez beıimdeledi. Sonymen qatar olar sóz bostandyǵynyń shektelýin qabyldaı almaıdy», dep jazady avtor. Onyń aıtýynsha, álemde dál osy áleýmettik evolıýtsııaǵa baılanysty saıası ózgeristerdi baıqaýǵa bolady.
Mark Tsýkerberg Facebook úshin jańa valıýta jasaǵysy keledi – Vox
Feısbýk kompanııasynyń bas dırektory Mark Tsýkerberg Kongrestiń Qarjylyq qyzmetk omıtetiniń aldynda esep berdi, dep jazady Vox.
Mark Tsýkerberg osy aptada Vashıngtonǵa baryp, Kongress aldynda kompanııanyń jahandyq valıýtasyn jasaý ıdeıasyn qorǵady. Onyń aıtýynsha, jańa tólem júıesi birneshe problemany sheshe alady.
«Birinshiden, bul bank esepshotyna qol jetkize almaıtyn nemese banktiń joǵary komıssııasynan qutylǵysy keletin adamdarǵa paıdasyn tıgizedi. Ekinshiden, búgingi tańda bir memleketten ekinshi memleketke aqsha aýdarý óte qymbat turady. Al Feısbýktyń jańa valıýtasy birshama arzan alternatıva bolmaq. Úshinshiden, qazirgi tańda tranzaktsııalardyń kópshiligi kóp ýaqyt alady ári baıaý júzege asyrylady, al Feısbýk valıýtasy bul problemany sheshe alady», deıdi Mark Tsýkerberg.
