Jer betindegi eń tapal adam qaıtys boldy
ASTANA. Naýryzdyń 16-sy. QazAqparat - Gınnestiń Rekordtar kitabynyń málimeti boıynsha álemdegi eń kishkentaı adam qytaılyq Hı Pıngpıng 22 jasynda dúnıeden ozdy.
Ol tanymal telebaǵdarlamaǵa qatysý úshin Italııaǵa barǵan saparynda qaıtys boldy, dep habarlaıdy RSN agenttigi.
Dárigerlerdiń aldyn ala anyqtamasy boıynsha, onyń ólimine júregindegi kinárat sebep bolǵan. Hı Pıngpıngtiń boıy nebári 73 santımetr. Endi Jer betindegi eń tapal adam ataǵynan boıy 56 santımetrdi shamalaıtyn nepaldyq Hagendra Tapa Magr úmitti. Osydan 4 jyl buryn nepaldyqtyń álemdik rekordy tirkelmegen bolatyn, sebebi ol kezde onyń jasy nebári 13-te bolǵan jáne onyń boıy áli ósýi múmkin ekendigi aıtylǵan edi.
