Jer betinde júrek aýrýymen aýyrmaıtyn taıpa bar
ASTANA. QazAqparat - Jer betindegi árbir úshinshi adamnyń júregi aýyrady. Oǵan sebep kóp. Sonyń biri aýanyń lastyǵy, temeki shegý, araq ishý jáne túrli qaterli zatty paıdalaný sekildi dúnıeler.
Degenmen álemde osynyń bárine tótep bere alatyn, júrek aýrýymen aýyrmaıtyn taıpa ómir súredi. Ol ańyz da, ertegi de emes. Shyndyq.
Amazonkada ómir súretin Tsıman taıpasynda júrek aýrý týraly túsinik joq. Olar álemdegi eń qaýipti mekende ómir súrse de júrekteri álemdegi árbir adamnyń júreginen eki ese jaqsy jumys jasaıdy, aýrý degendi bilmeıdi.
Ońtústik Amerıkanyń tegi bolyp sanalatyn Tsıman taıpasynyń bul qasıetke qalaı ıe bolǵanyn zertteýshiler jan-jaqty qarastyrý ústinde. Qazirdiń ózinde jaýabyn tapty. Olardyń aıtýynsha, maıly tamaqtan góri sýda ómir súretin jándikter men balyqtardy paıdalaný, temeki syndy qaterli zattardy paıdalanbaý bul taıpanyń júrek aýrýymen aýyrmaıtyn syryn ashyp berdi.
