Jer betinde ómir súrýge jaramdy aýmaq azaıyp barady
NUR-SULTAN. QazAqparat – Jer betinde aýa temperatýrasynyń kóterilýi kóptegen aýmaqty adamnyń ómir súrýine jaramsyz etýde. Science Advances jýrnalynda jarııalanǵan Amerıkanyń ǵylymǵa járdemdesý qaýymdastyǵy mamandarynyń zertteýi osyny kórsetip otyr, dep habarlaıdy QazAqparat.
Zertteý avtorlarynyń túsindirýinshe, Tselsıı shkalasy boıynsha 46 gradýs temperatýra ǵalamsharda ómir súretin kóptegen tirshilik ıeleri úshin shekti bolyp tabylady. Osy temperatýra eń bolmaǵanda bir gradýsqa kóterilgen kezde ter shyǵý júıesi deneni salqyndatyp úlgermeıdi, bul organızmniń ólýine ákelip soqtyrady.
Degenmen ǵalymdar Úndistan, Pákistan, Meksıka, AQSh jáne Parsy shyǵanaǵy elderiniń keıbir aýmaqtarynda shekti temperatýranyń ósýi álsin-álsin tirkeletindigin atap ótken. Eger klımattyń jylý protsesin erterek toqtatpasa, osyndaı óńirler halqy tyǵyz qonystanǵan Eýropada da týyndaýy múmkin.
