Jer betinde eń jyldam júrý rekordy 1600 km/s-ǵa jetkiziledi (VIDEO)

ASTANA. QazAqparat - 2017 jyly qazanda Bloodhound SSC zymyran kólik jobasynyń komandasy jer betindegi jyldamdyq rekordyn jańartýdy kózdep otyr.

7,5 tonna kólikti 55 sekýnd ishinde týrbo ebelekti (ventılıator) jáne gıbrıldi zymyran qozǵaltqysh kómegimen saǵatyna 1600 shaqyrym jyldamdyqqa jetkizbek, dep jazady N+1. 

Qozǵaltqyshtyń qýaty - 135 000 attyń kúshine teń. Saǵatyna 1600 shaqyrym jyldamdyqpen júıitkigen bolıdti toqtatý úshin shamamen 65 sekýnd jetkilikti. Onyń alǵashqy synaǵy 2017 jyly maýsym ayna josparlanǵan. Testilik júrý barysynda jyldamdyq baıaýlaý bolmaq, shamamen - 354 km/s. Osyndaı rezimde uıymdastyrýshylar onyń bort kamerasynyń jumysyn tekseredi.
Keıinirek Bloodhound SSC kóligin rekord júris synaǵy ótkiziletin Kalaharı shóline jetkizedi.

Zymyran kólikti basqarý brıtandyq áskerı-áýe kúshteriniń ushqyshy Endı Grınge senip tapsyrylady. Ol 1997 jyly Thrust SSC kóligimen qazirgi 1228 km/s rekordty ornatqan. Ol dybys jyldamdyǵyn eńsergeni resmı tirkelgen jalǵyz ári tuńǵysh bolıd bolyp otyr.