Jer betinde bolmaǵan aral memleket Shyńǵyshannyń beınesimen aqsha shyǵarǵan
ASTANA. QazAqparat -Shyńǵyshannyń beınesi salynǵan kóne aqsha tabyldy. Mońǵol zertteýshisi ári jýrnalıst D.Altangereldiń paıymynsha, ony jer betinde bolmaǵan aral memleket - Roıllo shyǵarǵan, dep habarlaıdy QazAqparat Asiarussia.ru saıtyna silteme jasap.
Royllo nemese Roıllo - XV ǵasyrdaǵy kartalarda Atlant muhıtynda, Pıreneı túbeginiń batysynda beınelengen «eles» aral.
Aral alǵash ret venetsııalyq kartograf Djovannı Pıtstsıganonyń (1424) portýlanynda Imana (Ymana) degen atpen beınelengen. Keıingi kartograftar bul araldy Roıllo dep ataǵan, alaıda onyń alǵashqy orny saqtalyp qalǵan.
Roıllo jeti qalasy bar, Antılııanyń batysynda ornalasqan shaǵyn aral retinde belgilengen. Ol quramyna sondaı-aq Antılııa, Saııa jáne Satana araldary kiretin «Antılııa tobyna» jatady. XV ǵasyrdyń sońynda bul aral kartadan alynyp tastalady.
AQSh-ta turatyn jáne sonda jumys isteıtin Dagvasambýýgıın Altangereldiń aıtýynsha, bolmaǵan araldyń atynan Napoleon Bonapart, Mhatma Gandı jáne Che Gevaranyń sýretteri beınelengen birqatar qaǵaz aqshalar shyǵarylǵan.
Al uly Shyńǵyshan Cinco Pesos dep atalatyn 5 peso aqshasynda beınelengen.
